einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1852 einen willen dem gelîch,daz ez wære wætlîch, und hetez nieman gesehen, daz dâ wære geschehen ein vil vriuntlîchez spil. 1857 zewâre ich iu daz sagen wil, dâ was der Minnen gewin: diu Minne rîchsete under in und vuocte in grôzen ungemach. dô einz daz ander ane sach, 1862 dô enwas in beiden niht baz dan einem habeche, der im sîn maz von geschihte ze ougen bringet, sô in der hunger twinget: und als ez im gezeiget wirt, 1867 swaz ers dâ vür mêre enbirt, dâ von muoz im wirs geschehen dan ob ers niht hete gesehen. alsô tete in daz bîten wê zuo der mâze und dannoch mê. 1872 ir beider gedanc stuont alsô: |