einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2859 unlange zîtebeliben si ze hove dâ. urloubes gerte er sâ von dem künege Artûse ze rîten heim ze hûse 2864 in sînes vater lant: daz was Destregâles genant. des mohte in dunken grôziu zît: wan er was dar niht komen sît daz er was ein kindelîn. 2869 wie möhtes baz zît sîn? als im dô ze muote wart umbe die heimvart, dô nam er an sich sehzec gesellen, die er gelich 2874 zuo ime kleite unde wol bereite. die vuorte der tugenthafte man zuo geselleschefte dan. sînen boten er sande 2879 vor hin heim ze lande, |