Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6908 daz bescheinte er wol dâ
        und ouch dicke anderswâ.
        diu sper begunden si neigen
        und ir kraft erzeigen.
        zesamene liezen si gân:
6913 dô wart ein rîchiu tjost getân.
        die vil guoten knehte,
        nû trâfen si vil rehte
        beide nâch ir gemerke.
        nû half niuwan sîn sterke
6918 den baz geruoweten man
        daz er den prîs dâ gewan
        und im alsô wol geschach.
        Êrecken er dâ nider stach
        hinderz ors an daz gras
6923 als lanc sô der schaft was.
        über in erbeizete er dô:
        des wart vrouwe Ênîte unvrô.
        diz was Êrecke nie geschehen:
        ez enmöhte ouch nieman gejehen,
6928 er enwelle in liegen an,
[ zurück ]