Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2206 si westen wol daz si den muot
        ir durch got hæte erkorn
        daz si hæte verborn
        und verbern wolde alle man.
        dâ missetæte si an:
2211 ir leben wære übele bewant,
        ob si ein sô rîchez lant
        ir dankes âne erben
        sus wolde verderben.
        diz wæren ir ræte
2216 daz si noch baz tæte
        wider die werlt und wider got
        (si behielte sô baz sîn gebot),
        daz si einen man næme
        und erben bekæme.
2221 diz was benamen der beste rât:
        wande êlich hîrât
        daz ist daz aller beste leben
        daz got der werlde hât gegeben.
         Dô ir der rehten wârheit
2226 alsô vil wart vür geleit,
[ zurück ]