Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3533 mir sint alsô gemeine
        als ob ich wære reine,
        daz der liehten sunnen schîn
        sô diemüete geruochet sîn
        daz er mich volleclichen an
3538 schînet als einen man,
        der gnâden wære mîn vleisch unwert.
        daz ir mîn ze meister gert,
        daz ist ein erdâhter spot.
        ich hân umbe unsern herren got
3543 verdienet leider verre baz
        sînen zornlîchen haz
        dan daz er an mich kêre
        die gnâde und die êre
        die ein bâbest haben sol.
3548 man enbirt mîn ze Rôme wol:
        iu wære ze mir niht wol geschehen.
        muget ir doch mînen lîp sehen?
        der ist sô ungenæme,
        den êren widerzæme.
3553 wart mir ie herren vuore kunt,
[ zurück ]