Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2021 daz enwart mir nie leit,
        und hât mir ouch nû wâr geseit.
        ich erkenne nu lange wol ir muot:
        sî ist getriuwe unde guot.
        ich hân sî übele lâzen.
2026 ich möhte wol verwâzen
        mîne zornige site:
        wan dâ gewinnet niemen mite
        niuwan schande unde schaden.
        ich solde sî her wider laden:
2031 daz kæme mir vil lîhte baz.
        ich was ir âne schult gehaz.
        mîn herre was biderbe genuoc:
        aber jener der in dâ sluoc,
        der muose tiurre sîn dan er:
2036 erne het in anders her
        mit gewalte niht gejaget.
        sî hât mir dar an wâr gesaget.
         Swer er ist der in sluoc,
        wider den hân ich schulde gnuoc
2041 daz ich im vîent sî:
[ zurück ]