Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2387 und gesâzen beide an einer stat.
        diu vrouwe ir truhsæzen bat
        daz er ir rede tæte
        und sî des alle bæte
        daz sî ez liezen âne zorn:
2392 sî het ir disen man erkorn.
        sî sprâchen, ez wær âne ir haz
        und in geviele nie dinc baz.
        ein ros daz willeclîchen gât,
        swer ouch daz mit sporn bestât,
2397 sô gât ez deste baz ein teil.
        sî mohten ir willen unde ir heil
        ir lîhte gerâten.
        ich wæn sî rehte tâten:
        wan dûhtez si alle missetân,
2402 sî wold in doch genomen hân.
         Dô der truhsæze getete
        sîner vrouwen rede nâch ir bete,
        und dô sî ouch hôrten sagen,
        ez kæme in vierzehen tagen
2407 der künec Artûs dar mit her:
[ zurück ]