einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein327 daz gap sî mir an.ich unsæliger man, daz sî mîn ouge ie gesach, dô uns ze scheidenne geschach. Wir zwei beliben eine.332 nu verstuont sich wol diu reine daz ich gerne bî ir was: an ein daz schœneste gras daz diu werlt ie gewan, dâ vuorte sî mich an,337 ein wênec von den liuten baz. daz liez ich weizgot âne haz. hie vant ich wîsheit bî der jugent, grôze schœne und ganze tugent. sî saz mir güetlichen bî:342 und swaz ich sprach, daz hôrte sî und antwurt es mit güete. ezn betwanc mîn gemüete unde bekumbert mînen lîp nie sô sêre maget noch wîp347 und getuot ouch lîhte nimer mê. |