einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius344 danne ê wære sîn site.nû was daz einvalte kint an sô getâner minne blint und diu reine tumbe enweste niht dar umbe349 wes si sich hüeten solde und hancte im swes er wolde. nû begap si der tiuvel nie unz sîn wille an ir ergie. Nû vriste erz unz an eine naht354 dô mit slâfe was bedaht diu juncvrouwe dâ si lac. ir bruoder slâfes niht enphlac: ûf stuont der unwîse und sleich vil harte lîse359 zuo ir bette dâ er si vant unde huop daz ober gewant ûf mit selhen sinnen daz si es nie wart innen unz er dar under zuo ir kam364 und si an sînen arm genam. |