Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1560 dêswâr ob si mir missestât,
        sô gan ich ir wol eim andern man
        und lege die kutten wider an.
        herre, iu ist vil wâr geseit:
        ez bedarf vil wol gewonheit,
1565 swer guot ritter wesen sol.
        ouch hân ich ez gelernet wol
        von kinde in mînem muote hie:
        ez enkam ûz mînem sinne nie.
        ich sage iu, sît der stunde
1570 daz ich bedenken kunde
        beidiu übel unde guot,
        sô stuont ze ritterschaft mîn muot.
        ich enwart nie mit gedanke
        ein Beier noch ein Vranke:
1575 swelh ritter ze Henegouwe,
        ze Brâbant und ze Haspengouwe
        ze orse ie aller beste gesaz,
        sô kan ichz mit gedanken baz.
        herre, swaz ich der buoche kan,
1580 dâ engerou mich nie niht an
[ zurück ]