einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec4319 dô wart im aber ir triuwe erkant.als si in gewarnet hâte, nû sâhen si alsô drâte in dort zuo rîten. nû gruozte er vrouwen Ênîten. 4324 als er Êrecke sô nâhen kam daz er sîniu wort vernam, er sprach: "willekomen, herre, ir nâhen oder verre in disiu lant geriten sît, 4329 mich bedunket âne strît, ir muget wol ein degen sîn. daz ist an zwein dingen schîn: ir vüeret, sam mir mîn lîp, daz aller schœniste wîp 4334 der ich ie künde gewan: wer gæbe die einem bœsen man? dar zuo sît ir gewâfent wol, als ein guot ritter sol der ze deheinen stunden 4339 werlôs wil werden vunden |