einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2827 sînem lîbe wære geschehen,diu hete er gerne gesehen. hete im der ungeborne grôze slege von zorne über sînen rücke geslagen,2832 daz hete er gerne vertragen, ob sîner sünden swære iht deste ringer wære. Des übelen vischæres wîp erbarmte sich über sînen lîp.2837 si bedûhte des daz er wære niht ein trügenære. des scheltens des in der man tete umbe sîn dürfticlîche bete, des ervolleten ir diu ougen.2842 si sprach: 'des ist unlougen er ensî ein guot man: zewâre ich sihe ez im wol an. got lâze dichs niht engelten: dû hâst getân ein schelten2847 daz dînem heile nâhen gât. |