Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3580 ich möhte mich wol ânen
        rîterlîches muotes:
        lîbes unde guotes
        der gebristet mir beider.'
        als er diu vrischen cleider
3585 einhalp bî im ligen sach,
        des wundert in, unde sprach
        'diz sint cleider der ich gnuoc
        in mînem troume dicke truoc.
        ichn sihe hie niemen des sî sîn:
3590 ich bedarf ir wol: nû sîn ouch mîn.
        nû waz ob disiu sam tuont?
        sît daz mir ê sô wol stuont
        in mînem troume rîch gewant.'
        alsus cleiter sich zehant.
3595 als er bedahte die swarzen lîch,
        dô wart er einem rîter glîch.
         Nu ersach diu juncvrouwe daz
        daz er unlasterlîchen saz:
        sî saz in guoter kündekheit
3600 ûf ir pfärit unde reit,
[ zurück ]