einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1773 ob in niht schœners kæme.und sô den mânen sîn zît in der naht her vür gît, sô hât man die wolgetânen ze nihte bî dem mânen: 1778 si dûhten lobebære, ob der mâne niene wære und ob er si niht enlaschte mit sînem liehten glaste. sus swachete ir varwe 1783 die vrouwen begarwe. ouch vuor der künec ungebeit behalten sîn gewonheit, als im si sîn vater liez - sîn vater Uterpandragôn hiez -, 1788 daz er den kus næme dâ und ouch niender anderswâ wan swâ ez die guoten knehte gesageten im ze rehte. ûf stuont der künec dâ: 1793 sîn reht nam er sâ |