einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius3841 unde dô si in gesachund im ir bîhte vor gesprach, nû was dem guoten wîbe von des bâbestes lîbe ein unkundez mære3846 daz er ir sun wære; ouch hete si an sich geleit die riuwe und die arbeit, sît si sich schieden beide, daz ir der lîp von leide3851 entwichen was begarwe an krefte und an varwe, daz er ir niht erkande unz si sich im nande und daz lant Equitâniam.3856 dô er ir bîhte vernam, dô enbejach si im anders niht niuwan der selben geschiht diu im ouch ê was kunt. dô erkande er zestunt3861 daz si sîn muoter wære. |