Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2602 getjostieren mêre.
        nû wart dâ vil sêre
        geslagen und gestochen,
        manec sper zebrochen,
        dô beidenthalp diu ritterschaft
2607 mit sô williger kraft
        zesamene liezen strîchen.
        nû mohte sich gelîchen
        der schal von den scheften
        niuwan dâ von windes kreften
2612 ein walt begunde vallen.
        dô tete erz vor in allen,
        Êrec fil de roi Lac,
        wande er den mântac
        maneges ros erledegete dâ.
2617 diu liez er von der hant sâ,
        daz er ir deheinez nam,
        wan er dar niene kam
        ûf guotes gewin.
        dar an kêrte er sînen sin,
2622 ob er den prîs möhte bejagen.
[ zurück ]