Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5073 dan behalten anders dan er sol.
        wirt im ein teil ze zorne gâch,
        er verstât sich rehtes dar nâch
        und hât in lieber dan ê.
        waz mac ich nû gesprechen mê?
5078 wan sol ich iuch beswæret hân,
        daz hân ich doch durch guot getân.
        ouch rihtet selbe über mich."
        alsô versuonte er sich
        mit im vil tugentlîchen,
5083 daz im begunde entwîchen
        ungemüete unde leit:
        ez enwart ouch grœzer werdekeit
        noch volleclîcher êre
        nie manne erboten mêre
5088 dan im dâ ze hove geschach.
        daz man in dâ gerne sach
        daz tâten vil wol schîn
        Artûs und diu künegîn
        mit der massenîe gar.
5093 si wâren willekomen dar:
[ zurück ]