einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec6816 wâ ein garzûn entran.der lief durch den walt dan, dar umbe daz erz zuo der stunt dem wênigen künege tæte kunt der dâ was sô unverzaget. 6821 ich hân iu ê von im gesaget: er was Guivreiz genant, der selbe der mit sîner hant Êrecke sîne wunden sluoc. dem was der wec wol kunt genuoc, 6826 er begunde sêre gâhen. ouch was ez im vil nâhen: ir zweier gewalt enschiet niuwan der walt. er bôzete an daz bürgetor. 6831 dâ twelte er unlange vor, er wart vil drâte in gelân. nû gienc er vür den künec stân und begunde im sagen wie der grâve Oringles wære erslagen, 6836 und daz hæte ein tôter man getân. |