Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

6827 ouch was ez im vil nâhen:
        ir zweier gewalt
        enschiet niuwan der walt.
        er bôzete an daz bürgetor.
        dâ twelte er unlange vor,
6832 er wart vil drâte in gelân.
        nû gienc er vür den künec stân
        und begunde im sagen
        wie der grâve Oringles wære erslagen,
        und daz hæte ein tôter man getân.
6837 nû begunde sich Guivreiz verstân
        ze jungest an dem mære
        daz ez Êrec wære.
        noch enwas er niht entslâfen.
        vil lûte schrê er: "wâfen!
6842 welh ein schade muoz ergân,
        und sol den lîp verlorn hân
        der beste ritter der darf leben!
        im enwelle got genâde geben,
        wirt ez dem lantvolke kunt,
6847 si ermürdent in zestunt.
[ zurück ]