Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

7459 ez enkam doch pherit nie sô guot
        in deheines mannes gewalt:
        waz sol iu mê dâ von gezalt?
        als uns der meister seite,
        ein vrouwen gereite
7464 wart ûf daz pherit geleit,
        dâ meisterlîcher arbeit
        vil werkes ane lac.
        ez hete geworht vil manegen tac
        der wercwîseste man
7469 der satelwerkes ie began,
        ein meister, hiez Umbrîz,
        der doch allen sînen vlîz
        dar leite vür wâr
        wol vierdehalbez jâr,
7474 unz er in vollebrâhte
        dar nâch als er gedâhte.
        daz ich iu rehte seite
        von diseme gereite,
        wie daz erziuget wære,
7479 daz würde ze swære
[ zurück ]