einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8060 nû reit gegen Brandigân,die stat die er drunder sach stân, dâ was inne vreuden vil, tanz und aller slahte spil daz jungen liuten wol gezam. 8065 und als er zuo geriten kam und si die schœnen Ênîten dâ vür sâhen rîten und nâch ir die zwêne man, nû sâhen si die vrouwen an 8070 und begunde menneclîch des jehen daz er unz dar nie gesehen deheine vrouwen hæte von lîbe und ouch von wæte, von pherde und von gereite, 8075 sô schœne und sô gemeite. sâ zuo den stunden si alle begunden, wîp und man beide, von nâhe gândem leide 8080 ir vreuden entwîchen |