einen Buchstaben wählen: | a | ā | b | c | d | e | ė | ź | g | h | i | ī | j | k | l | m | | n | o | ō | | p | q | r | s | t | u | ü | ū | w | z | [ zurück ]
Erec9070 vil drāte er hin wider giedā er sīn ros stānde lie. sinen helm er ūfe bant und bereite sich zehant. ūf sīn ros er drāte saz. 9075 der ander des ouch niht vergaz, ern bereite sich alsam. ir ietweder den schilt nam und līmte in an sich vaste. dem wirte und dem gaste 9080 begunden schenkel vliegen. si erzeicten āne triegen einen grimmeclīchen zorn. diu ros si nāmen mit den sporn und liezen zesamene strīchen 9085 vil genendeclīchen von aller ir krefte. die eschīnen schefte wurden dō geneiget und in diu vart erzeiget 9090 zen vier nageln gegen der hant. |