Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9743 in ein alsô vremdez lant.
        nû vuoren wîp unde man
        ûz dem boumgarten dan.
        diu houbet, als ir hôrtet sagen,
        diu drinne wâren abe geslagen,
9748 diu nam man abe den stecken
        - des êre got Êrecken -,
        unde wurden boten gesant
        nâch der phafheit in daz lant
        daz man si begrüebe nâch êren.
9753 hie begunde sich êrste mêren
        diu vreude ûf Brandigân.
        diz was von schulden getân.
        wan alsô schiere diz erschal
        in daz lant über al,
9758 von selhem mære
        daz des hoves vreude wære
        widere gewunnen
        der in was zerunnen,
        des küneges mâge und dienestman
9763 die vuoren ze hove alle dan
[ zurück ]