Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

360 unde huop daz ober gewant
      ûf mit selhen sinnen
      daz si es nie wart innen
      unz er dar under zuo ir kam
      und si an sînen arm genam.
365 ouwî waz wolde er drunder?
      jâ læge er baz besunder.
      ez wâren von in beiden
      diu kleider gescheiden
      unz an daz declachen.
370 dô si begunde wachen,
      dô hete er si umbevangen.
      ir munt und ir wangen
      vant si sô gelîmet ligen
      als dâ der tiuvel wil gesigen.
375 Nû begunde er si triuten
      mê danne vor den liuten
      dâ vor wære sîn site.
      hie verstuont si sich mite
      daz ez ein ernest solde sîn.
380 si sprach: 'wie nû, bruoder mîn?
[ zurück ]