Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1261 daz ros halbez abe geslagen.
        wer moht in daz dô widersagen?
        wan sî wolten daz gewis hân,
        und wurde diu porte ûf getân,
        daz si in dar inne vunden.
1266 in vil kurzen stunden
        brâchens beide porte dan,
        und envunden doch dâ nieman
        wanz halbe ors innerhalp der tür
        von mitteme satele hin vür.
1271 do begunden sî von zorne toben
        und got noch den tiuvel loben.
        sî sprâchen 'warst der man komen,
        ode wer hât uns benomen
        diu ougen und die sinne?
1276 er ist benamen hinne:
        wir sîn mit gesehenden ougen blint.
        ez sehent wol alle die hinne sint:
        ezn wær dan cleine als ein mûs,
        unz daz beslozzen wær diz hûs,
1281 sone möht niht lebendes drûz komen:
[ zurück ]