Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6981 dâ ist diu state unde der muot.
        ouch wâren diu ors alsô guot
        daz sî daz niht ensûmde.
        ir ietweder rûmde
        dem andern sînen puneiz
6986 von im vaste unz an den kreiz:
        der was wol rosseloufes wît.
        ze orse huop sich der strît.
         Sî mohten wol strîten,
        wand sîs ze den zîten
6991 niht êrste begunden.
        wie wol sî strîten kunden
        ze orse und ze vuoze!
        ez was ir unmuoze
        von kinde gewesen ie:
6996 daz erzeicten sî wol hie.
        ouch sî iu daz vür wâr geseit:
        ez lêret diu gewonheit
        einen zagehaften man
        daz er getar unde kan
7001 baz vehten danne ein küener degen
[ zurück ]