Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7314 ichn gan es niemen alsô wol.
        heiz den kampf lâzen sîn:
        ir leben ist nützer danne daz mîn.
        ich bin noch baz ein armez wîp
        danne ir deweder den lîp
7319 durch mich hie sül verliesen.
        ich wil ûf dich verkiesen.'
         Ir willen dâ nieman ensach
        wan der ir guotes drumbe jach.
        den künec sî alle bâten
7324 und begunden râten
        daz erz durch got tæte
        und die altern bæte
        daz sî der jungeren doch
        daz dritte teil od minre noch
7329 ir erbeteiles wolde geben:
        ez gienge den rîtern an daz leben,
        ir einem ode in beiden,
        sine wurden gescheiden.
        daz hete sî lîhte dô getân,
7334 wold es der künec verhenget hân.
[ zurück ]