Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7367 dan dâ bî ein bœser man
        des er nie schaden gewan.
         Daz wart wol schîn an in zwein.
        sich verkunte mîn her Îwein
        wider sînen kampfgenôz,
7372 wand erz vür eine gâbe grôz
        ir ietweder haben wolde,
        ober wizzen solde
        wer der ander wære.
        sîniu wehselmære
7377 begunder wider in dô hân.
        er sprach 'wir haben eht verlân
        unser häzlîchez spil:
        ich mac nû sprechen swaz ich wil.
         Ich minnet ie von mîner maht
7382 den liehten tac vür die naht:
        dâ lac vil mîner vreuden an,
        und vreut noch wîp unde man.
        der tac ist vrœlich unde clâr,
        diu naht trüebe unde swâr,
7387 wand sî diu herze trüebet.
[ zurück ]