Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7356 sô liezen sîz wol understân
        unz an den anderen tac.
        sî tâten als er ie pflac
        der ie rehten muot gewan:
        swie leide dem biderben man
7361 von dem anderen geschiht,
        enkumtz von muotwillen niht,
        ob er im den willen trüege
        daz er in gerne slüege,
        sone ist er im doch niht gehaz,
7366 unde behaget im baz
        dan dâ bî ein bœser man
        des er nie schaden gewan.
         Daz wart wol schîn an in zwein.
        sich verkunte mîn her Îwein
7371 wider sînen kampfgenôz,
        wand erz vür eine gâbe grôz
        ir ietweder haben wolde,
        ober wizzen solde
        wer der ander wære.
7376 sîniu wehselmære
[ zurück ]