Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4367 sît er sîne arbeit klaget."
        er sprach: "ir wert iuch âne nôt
        dâ mite daz ich iu dienest bôt.
        daz enhân ich anders niht getân
        wan ûf ritterschefte wân.
4372 swaz iu nû mê von mir geschiht,
        dar umbe dürfet ir mir niht
        an mîne triuwe sprechen,
        die ich nimmer wil zebrechen.
        wert iuch durch iuwer schœnez wîp,
4377 welt ir behalten den lîp."
        als Êrec dô gesach
        daz im vehtens nôt geschach,
        sîn ros er wider kêrte,
        als in sîn ellen lêrte.
4382 zesamene riten zwêne man
        der ietweder nie gewan
        zageheit dehein teil.
        ez muoste sterke unde heil
        under in beiden
4387 an dem sige scheiden.