einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec587 ich leiste als ich gelobet hân."der alte was der rede vrô. er sprach: "sît irz meinet alsô, sô haben wir hie zehant vil schœnez îsengewant, 592 beidiu behende unde guot. des enkunde mich diu armuot noch nie betwingen noch ûf den zwîvel bringen daz ichs würde âne, 597 ichn behieltez nâch dem wâne, ob es mînem vriunde würde nôt, der selbe wille mirz gebôt, daz ichz im lîhen solde unz mirs got gunnen wolde. 602 sô hete ich ie einen site daz ich im selbe dâ mite vil willeclîchen was bereit, unz mir daz alter an gestreit: daz hât mir gar die kraft benomen. 607 nû ist ez uns ze staten komen, |