Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7392 den tac vür allez dazder ist:
        deiswâr, edel rîter guot,
        nû habet ir den selben muot
        vil gar an mir verkêret.
        der tac sî gunêret:
7397 ich hazz in iemer mêre,
        wand er mir alle mîn êre
        vil nâch hæte benomen.
        diu naht sî gote willekomen:
        sol ich mit êren alten,
7402 daz hât sî mir behalten.
        nû seht ob ich von dem tage
        niht grôzen kumber unde clage
        wol von schulden haben mege.
        und wærer langer drîer slege,
7407 die heten iu den sige gegeben
        unde mir benomen daz leben:
        des erlât mich disiu liebiu naht.
        diu ruowe gît mir niuwe maht
        (dâ nâch gât ein swære tac)
7412 daz ich danne aber vehten mac.
[ zurück ]