einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec224 dâ kam er geriten in.die burc meit er durch den sin daz er sîn iht würde gewar dem er hete gevolget dar. nû er suochende reit 229 wer in durch sîne vrümekeit des nahtes næme in sîne phlege, nû vant er an dem wege von den liuten grôzen schal. diu hiuser wâren über al 234 beherberget vaste: der sich sîn ze gaste wolde underwinden, den enkunde er niender vinden. ouch was er habelôs dâ gar. 239 er enhete sich niht gewarnet dar: wan in kam diu reise gâhes an, als ich iu dâ vor gesaget han. er enhete dâ niht mêre, daz bekumberte in dô sêre, 244 wan daz pherit und sîn gewant. |