Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

224 dâ kam er geriten in.
      die burc meit er durch den sin
      daz er sîn iht würde gewar
      dem er hete gevolget dar.
      nû er suochende reit
229 wer in durch sîne vrümekeit
      des nahtes næme in sîne phlege,
      nû vant er an dem wege
      von den liuten grôzen schal.
      diu hiuser wâren über al
234 beherberget vaste:
      der sich sîn ze gaste
      wolde underwinden,
      den enkunde er niender vinden.
      ouch was er habelôs dâ gar.
239 er enhete sich niht gewarnet dar:
      wan in kam diu reise gâhes an,
      als ich iu dâ vor gesaget han.
      er enhete dâ niht mêre,
      daz bekumberte in dô sêre,
244 wan daz pherit und sîn gewant.
[ zurück ]