Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2233 der namen hœret zellen:
        Entreferich und Tenebroc,
        Mêlîz und Meljadoc.
        der turnei wart gesprochen
        über drî wochen
2238 von dem næhsten mântage.
        nâch der âventiure sage
        sô solde der turnei sîn
        zwischen Tarebrôn und Prûrîn:
        daz was in gelîche gelegen,
2243 in beiden ze halben wegen.
        nû schieden dise viere man
        mit urloube von dan,
        daz si sich bereiten dar zuo,
        wan ez was in niht ze vruo.
2248 Êrec fil der roi Lac
        maneger gedanke phlac,
        wie er dar sô kæme
        als sînem namen gezæme,
        wan er vor der stunde
2253 turnierens nie begunde.
[ zurück ]