Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

2464 Êrec fil de roi Lac
        grôzer unmuoze phlac.
        swer im gewartet solde hân,
        der endorfte diu ougen niht ruowen lân:
        man sach in dort unde hie.
2469 baz turnierte ritter nie.
        si nâmen alle sîn eines war:
        er was ie der êrste dar
        und der jungeste dan.
        Êrec den prîs gewan
2474 des âbendes ze beiden sîten:
        des jâhen si âne strîten.
        er reit unz im diu naht benam.
        dô man ze herberge kam,
        ander rede dô niemen phlac
2479 wan: "Êrec fil de roi Lac
        der ist der baz tuonde man
        den unser lant ie gewan
        von sînen jâren.
        er enmöhte niht baz gebâren."
2484 des wart grœzlîche gejehen.
[ zurück ]