Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5426 daz nimmer man âne den tôt
        möhte erlîden grœzer nôt
        danne im dô geschach.
        als diz Êrec ersach,
        nû bewegete des ritters smerze
5431 sô sêre sîn herze
        daz er bî im ê wære erslagen
        ê er inz hæte vertragen
        und daz ez an sîner varwe schein.
        er sprach zuo den zwein:
5436 "ir herren beide,
        ichn vrâge iu niht ze leide:
        durch got muget irz mich wizzen lân,
        waz hât iu der man getân
        den ir dâ habet gevangen?
5441 saget, waz hât er begangen?
        ez enschadet iu niht und ist mir liep.
        weder ist er mordære oder diep?
        od wie hât erz umbe iuch verholt,
        sô swære zuht die er dolt?"
5446 des antwurte im der eine,
[ zurück ]