einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9082 einen grimmeclîchen zorn.diu ros si nâmen mit den sporn und liezen zesamene strîchen vil genendeclîchen von aller ir krefte. 9087 die eschînen schefte wurden dô geneiget und in diu vart erzeiget zen vier nageln gegen der hant. ir mezzen wart dô wol bewant, 9092 wan si gerieten beide: hie wart diu sperweide vor dem lîbe durch gesant durch beide schilte unz an die hant. die starken schefte ganz beliben, 9097 swie sêre si würden dar getriben. wider zugen si diu sper in manlîcher ger und riten von ein ander dan, die zwêne gelîch gemuote man, 9102 durch tjostieren mêre. |