einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius990 uns wart von weter nie sô wê:uns was der tôt vil nâch beschert, wir haben den lîp vil kûme ernert.' er sprach: 'nû lât die vische wesen: got lobe ich daz ir sît genesen995 und alsô komen an daz stat.' der abbet im dô sagen bat, er sprach, waz ez möhte sîn: dâ meinde er daz väzzelîn daz mit dem gewande was gespreit.1000 diu vrâge was in beiden leit und sprâchen, wes ein herre vrâgete alsô verre umbe armer liute sache in beiden ze ungemache.1005 dô reichte er dar mit dem stabe, daz gewant warf er abe und sach daz wênige vaz. er sprach: 'wâ nâmet ir daz?' nû gedâhten si maniger lügen,1010 wie si den abbet betrügen, |