einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius1561 sô gan ich ir wol eim andern manund lege die kutten wider an. herre, iu ist vil wâr geseit: ez bedarf vil wol gewonheit, swer guot ritter wesen sol.1566 ouch hân ich ez gelernet wol von kinde in mînem muote hie: ez enkam ûz mînem sinne nie. ich sage iu, sît der stunde daz ich bedenken kunde1571 beidiu übel unde guot, sô stuont ze ritterschaft mîn muot. ich enwart nie mit gedanke ein Beier noch ein Vranke: swelh ritter ze Henegouwe,1576 ze Brâbant und ze Haspengouwe ze orse ie aller beste gesaz, sô kan ichz mit gedanken baz. herre, swaz ich der buoche kan, dâ engerou mich nie niht an1581 und kunde ir gerne mêre: |