Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

281 si enwart von im beswæret nie.
      er phlac ir sô (ich sage iu wie)
      daz er si nihtes entwerte
      swes si an in gerte
      von kleidern und von gemache.
286 si wâren aller sache
      gesellic und gemeine,
      si wâren selten eine,
      si wonden zallen zîten
      einander besîten
291 (daz gezam vil wol in beiden),
      si wâren ungescheiden
      ze tische und ouch anderswâ.
      ir bette stuonden alsô nâ
      daz si sich mohten undersehen.
296 man enmac im anders niht gejehen,
      er enphlæge ir alsô wol
      als ein getriuwer bruoder sol
      sîner lieben swester.
      noch was diu liebe vester
301 die si im dâ wider truoc.
[ zurück ]