Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

3248 und im dâ sîniu bein
        slôz in die îsenhalten.
        dô die zwêne alten
        daz hiuselîn gesâhen,
        ze sælden si des jâhen
3253 daz si dâ nâch ir unmaht
        geruowen müesen die naht.
         Gevüeret hâten si mit in
        die spîse (daz was ein schœner sin)
        der sie bedorften zuo der nôt,
3258 beidiu wîn unde brôt
        und dar zuo swaz in tohte
        daz man gevüeren mohte.
        des emphie der vischære
        mit vreuden âne swære
3263 die wol berâten geste.
        er sach wol unde weste
        er möhte ir wol geniezen:
        des enwolde in niht verdriezen,
        er enschüefe in rîchen gemach,
3268 wande er si wol berâten sach.
[ zurück ]