Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

79 wan diu vil bitter süeze
    twinget sîne vüeze
    ûf den gemeinlîchen wec:
    der enhât stein noch stec,
    mos gebirge noch walt,
84 der enhât ze heiz noch ze kalt.
    man vert in âne des lîbes nôt
    und leitet ûf den êwigen tôt.
    sô ist der sælden strâze
    in eteslîcher mâze
89 beide rûch und enge.
    die muoz man ir lenge
    wallen unde klimmen,
    waten unde swimmen,
    unz daz si hin leitet
94 dâ si sich wol breitet
    ûz disem ellende
    an ein vil süezez ende.
     Den selben wec geriet ein man:
    zer rehten zît er entran
99 ûz der mordære gewalt.
[ zurück ]