Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

884 swie joch mit dem munde:
      ich meine den gnædigen got.
      sît daz ir des tiuvels spot
      sîne hulde hete entworht,
      daz hete si nû sô sêre ervorht
889 daz si vreude und gemach
      durch sîne hulde versprach,
      sô daz si naht unde tac
      selher unmuoze phlac
      diu dem lîbe unsanfte tete.
894 beide mit wachen und mit gebete,
      mit almuosen und mit vasten
      enlie si den lîp nie gerasten.
      diu wâre riuwe was dâ bî,
      diu aller sünden machet vrî.
899 Nû was ir ein herre
      gesezzen unverre,
      des namen ir vil wol gelîch,
      beidiu edel unde rîch:
      der leite sînen vlîz dar an
904 daz si in næme ze man.
[ zurück ]