Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1008 ir ietweder was gereit
        ûf des anderen schaden:
        sî hete beide überladen
        grôz ernest unde zorn.
        sî nâmen diu ors mitten sporn:
1013 sus was in zuo ein ander ger.
        ir ietweder sîn sper
        durch des andern schilt stach
        ûf den lîp daz ez zebrach
        wol ze hundert stücken.
1018 dô muosen si beide zücken
        diu swert von den sîten.
        hie huop sich ein strîten
        daz got mit êren möhte sehen,
        und solt ein kampf vor im geschehen.
1023 über die schilte gienc diu nôt,
        den ir ietweder vür bôt,
        die wîle daz die werten:
        sî wurden ab mit den swerten
        zehouwen schiere alsô gar
1028 daz si ir bêde wurden bar.
[ zurück ]