einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3965 dîner vrouwen hulde!jane wær diu selbe schulde zer werlte niemans wan dîn, ezn müese sîn ende sîn. Er ist noch baz ein sælec man3970 der nie dehein êre gewan dan der êre gewinnet und sich sô niht versinnet daz er sî behalten künne. êre unde wünne,3975 der hât ich beider alsô vil daz ichz gote clagen wil daz ich ir ie sô vil gewan, ichn solde stæte sîn dar an. wær mir niht geschehen heil3980 und liebes ein vil michel teil, sone west ich waz ez wære: âne senede swære sô lebet ich vrîlichen als ê: nû tuot mir daz senen wê,3985 daz mir daz solde geschehen |