Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4498 mac mir danne mîn leben
        niht wol unmære sîn?
        der rise heizet Harpîn.
        hân ich den lasterlîchen spot
        gedienet iender umbe got,
4503 wold er daz rihten über mich
        unde lieze den gerich
        über mîniu unschuldigen kint,
        diu biderbe unde guot sint!'
         Dô der gast sîn ungemach
4508 beidiu gehôrte unde gesach,
        daz begund im an sîn herze gân.
        er sprach 'wie habt ir daz verlân
        irn suochtet helfe unde rât
        dâ er iu ze suochen stât,
4513 in des künec Artûses lande?
        ir habet dise schande
        âne nôt sô lange erliten.
        ir soldet dar sîn geriten:
        er hât gesellen, under den
4518 ir hetet vunden etewen
[ zurück ]