einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4870 er gedâhte 'ich bedarf wol meisterschaft,sol ich daz wægest ersehen. mir ist ze spilne geschehen ein gâch geteiltez spil: ezn giltet lützel noch vil,4875 niuwan al mîn êre. ich bedarf wol guoter lêre. ich weiz wol, swederz ich kiuse, daz ich an dem verliuse, ich enmöht ir beider gepflegen,4880 ode beidiu lâzen under wegen, ode doch daz eine: sô wær mîn angest cleine. sus enweiz ich mîn deheinen rât. ich bin, als ez mir nû stât,4885 gunêret ob ich rîte und geschendet ob ich bîte. nune mag ichs beidiu niht bestân und getar doch ir dewederz lân. nû gebe mir got guoten rât,4890 der mich unz her geleitet hât, |