Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

6509 iemer benomen hân,
        daz hete ouch sî benamen getân.
        und het er sî nie gesehen,
        sô wær im verre baz geschehen:
        wand im tete daz scheiden wê.
6514 ern erkunte sît noch ê
        âne sîn selbes wîp
        nie süezer rede noch schœnern lîp.
         Dô sich die viere
        gesunderten sô schiere,
6519 dô mohtens under in beiden
        gelîche sîn gescheiden
        des muotes sam der jâre.
        ich versihe mich wol zewâre,
        ir herze wâren mislich.
6524 diu zwei jungen senten sich
        vil tougen in ir sinne
        nâch redelîcher minne,
        unde vreuten sich ir jugent,
        und redten von des sumers tugent
6529 und wie sî beidiu wolden,
[ zurück ]