einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein6519 dô mohtens under in beidengelîche sîn gescheiden des muotes sam der jâre. ich versihe mich wol zewâre, ir herze wâren mislich.6524 diu zwei jungen senten sich vil tougen in ir sinne nâch redelîcher minne, unde vreuten sich ir jugent, und redten von des sumers tugent6529 und wie sî beidiu wolden, ob sî leben solden, guoter vreude walten. dô redten aber die alten, sî wæren beidiu samet alt6534 und der winter wurde lîhte kalt: sô soldens sich behüeten mit rûhen vuhshüeten vor dem houbetvroste. sus schuofen sî ir koste6539 ze gevüere und ze gemache: |