Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

7158 dane wurde borc vergolten;
        dâ von ir ietweder galt
        daz ers an lobe niht engalt.
        sî muosen vaste gelten
        vür des tôdes schelten
7163 und vür die scheltære
        bœser geltære.
        si entlihen bêde ûz voller hant,
        und wart nâch gelte niht gesant:
        wand sî heten ûf daz velt
7168 beide brâht ir übergelt
        und vergulten an der stat
        mê und ê dan man sî bat.
        verlegeniu müezekheit
        ist gote und der werlte leit:
7173 dâne lât sich ouch nieman an
        niuwan ein verlegen man.
         Wer gerne lebet nâch êren,
        der sol vil starke kêren
        alle sîne sinne
7178 nâch etelîchem gewinne,

[ zurück ]